犇之食堂 (已結業)

经开铜锣湾突然好想食牛肉面，揾到呢间几多好评嘅入去试一试，门面睇落几靓仔，入到去好有台湾cafe个种感觉，见到餐牌上面嘅红烧牛肉面有个辣椒标记，都有少少惊太辣食唔到，但都叫咗嚟试下。红烧牛肉面$78蜂蜜柚子茶+$5面到紧系试一啖汤先，估唔到佢几香浓，一啲都唔辣，面质扁身有咬口有惊喜，可能我本身钟意食牛筋多啲，所以觉得牛肉普通。本来以为蜂蜜柚子茶都系就咁开，估唔到都饮到有台湾茶味，唔错。值得赞嘅系啲员工好有礼貌仲好细心，我挂住玩电话，每次放低嘢都会提醒，好小心咁放系我面前，同埋环境真系几靓几舒服，睇得出装修花咗唔少心思。