傳奇烘焙

营业中

休息中

经过见到蛋糕造型好靓，无论大人小朋友见到，都一定会好开心。好多时买1个呢d 特别嘅3D造型蛋糕都几贵，但呢度嘅价钱算系几抵；如果要求唔高，一个普通忌廉蛋糕就$100都唔洗。件装蛋糕同样十分精美，仲有几特别嘅卷蛋，Oreo 芝士卷同北海道牛奶卷，真系件件都咁精美。第一次光顾，小试牛刀，买左个蛋挞同焙茶奶盖慕丝。蛋挞系牛油皮，个皮都做得几出色，看得到跟酥皮相似的千层，味道就无咩惊喜，可能我唔系即买即食，所以对味道都会有d影响。而个焙茶奶盖慕丝……… 食完，有一刻感觉系怀疑店员俾错我，但对返照片，又无错㖞。🤔感到怀疑嘅原因1)完全食唔到焙茶同奶盖嘅味道；2)亦食唔到慕丝嘅口感。食完感觉就系食紧一件超级甜嘅海绵蛋糕，因为真系只食到甜味，同海绵蛋糕嘅口感😬如果钟意食甜嘅，应该会觉得ok，但真系唔系我杯茶，尤其系面层果d透明嘅啫喱状物体，我食左两啖，只好将呢d拨走晒，因为真系甜到我接受唔到。可以赞嘅系个海绵蛋糕真系好软绵绵。