影片
更多
2022-11-29
1285 浏览
今日放假，专登入嚟黄竹坑食晏。本来打算翻兜上次帮衬过𠮶间日式西餐厅，点知有人好眼利，发现隔离新开左间主打东南亚菜及西式美食嘅店铺，话要试下。餐厅门面设有落地大玻璃，店内装潢以白色为主调，间隔通爽，加上楼底够高，就算坐满亦唔觉嘈吵，气氛极为轻松。餐单选项十分多元化，既有越式汤粉、韩式烤肉，也有招牌咖喱、意粉、汉堡和饮品等供应。点左个 Pasta 同一客椰菜花饭。软壳蟹黑松露意粉 ($138) 率先送上，黑松露野菌汁份量十足，意粉煮得超入味，软硬度刚好，顶头嘅软壳蟹炸至松化香口，但食落又唔会太油腻，令人一吃爱上！另外呢客三文鱼椰菜花饭 ($128) 亦好有惊喜，不但卖相吸引，而且饭底用料亦唔单调，除了椰菜花外，还有南瓜粒、粟米、藜麦和牛油果等，mix 埋粉橙鲜嫩嘅三文鱼肉同清爽嘅椰菜花一齐食，口感好丰富，绝对系瘦身恩物。饮品点左芝芝火龙果 ($55) 同 奶盖泰式珍珠奶茶 (+$28)，火龙果味道好 fresh，饮得出系用鲜果打成，加上咸咸甜甜嘅芝士奶盖，冲击味蕾。另外杯珍珠奶茶用料亦不欺场，茶底回甘生津，珍珠软糯有咬口，配埋面头浓香幼滑嘅奶盖，Perfect Match！
今日放假，专登入嚟黄竹坑食晏。本来打算翻兜上次帮衬过𠮶间日式西餐厅，点知有人好眼利，发现隔离新开左间主打东南亚菜及西式美食嘅店铺，话要试下。
餐厅门面设有落地大玻璃，店内装潢以白色为主调，间隔通爽，加上楼底够高，就算坐满亦唔觉嘈吵，气氛极为轻松。
餐单选项十分多元化，既有越式汤粉、韩式烤肉，也有招牌咖喱、意粉、汉堡和饮品等供应。
点左个 Pasta 同一客椰菜花饭。
软壳蟹黑松露意粉 ($138) 率先送上，黑松露野菌汁份量十足，意粉煮得超入味，软硬度刚好，顶头嘅软壳蟹炸至松化香口，但食落又唔会太油腻，令人一吃爱上！
另外呢客三文鱼椰菜花饭 ($128) 亦好有惊喜，不但卖相吸引，而且饭底用料亦唔单调，除了椰菜花外，还有南瓜粒、粟米、藜麦和牛油果等，mix 埋粉橙鲜嫩嘅三文鱼肉同清爽嘅椰菜花一齐食，口感好丰富，绝对系瘦身恩物。
饮品点左芝芝火龙果 ($55) 同 奶盖泰式珍珠奶茶 (+$28)，火龙果味道好 fresh，饮得出系用鲜果打成，加上咸咸甜甜嘅芝士奶盖，冲击味蕾。
另外杯珍珠奶茶用料亦不欺场，茶底回甘生津，珍珠软糯有咬口，配埋面头浓香幼滑嘅奶盖，Perfect Match！
张贴
