山東小城 (西洋菜南街)

营业中

休息中

喺旺角唔系好知想食乜，已经1:30。上IG search见到有依间有黑色水饺嘅舖头，于是乎就行去试吓。去到系唔使排队，店员好好安排咗个卡位俾我，虽然我得一个人去。本身系想入去食佢哋招牌嘅爆汁馅饼，仲有黑色嘅墨鱼饺。但系如果散嗌嘅话依两样嘢加埋最平需要70几蚊。所以最后都系拣咗lunch set。放弃咗馅饼，打算下次再同朋友嚟食。lunch set就系一个担担面，配墨鱼汁水饺。担担面份量好多，但系啲花生酱比较偏甜。食咗一阵就比较滞啦。墨鱼汁水饺外皮比平时食嘅饺子偏厚少少，入面嘅馅系墨鱼滑，成个配搭都几得意。set入面仲送咗一杯豆浆，成个set就系一个饱肚之选。