影片
更多
2009-08-06
74 浏览
为咗庆祝，阿剂带咗我去珀丽酒店上面嘅星域餐厅酒廊度晚饭。正如餐厅嘅职员话斋，佢哋夜晚好静，我哋附近都只系第一、两枱客，所以想揾个地方静静哋食饭，倾计，呢度系一个唔错嘅选择。我哋拣咗两个套餐，分别有：前菜：美国新鲜生蚝、焗美国新鲜生蚝汤：蚬肉周打汤配粟米、西芹及烟肉同埋海鲜甘笋南瓜汤主菜：意大利扁面配蟹肉，海胆及红花汁、扒牛柳配黑松露菌汁(五成熟)甜品：芝士蛋糕另外，我哋每人加咗一杯红酒首先，讲讲啲蚝。生蚝同焗蚝都好好味，虽然系美国蚝，但系都好甜。啲蚝望落虽然唔算好大，但食落口感都唔错，几新鲜。焗蚝我哋拣咗用蕃茄汁配，所以加埋落啲蚝度时，带少少酸酸哋，几好食。至于两款汤我哋都交换试过，感觉好有诚意，因为真系好足料，饮落啖啖都有咬口，味道又相当够，所以好深刻。主菜方面，我嘅意大利扁面一送到嚟就已经闻到好香，好浓郁嘅味道。一摆低，我就已经急不及待要食喇。食落时，完全无失望嘅感觉，因为我正正将我嘅嗅觉变成一模一样嘅味觉。蟹肉嘅份量都好合理，好欣赏佢哋用埋海胆做配料，因为将啲海胆连埋啲扁面一齐食时，啲海胆味都依然咁出。当然，如果海胆份量都可以多啲的话，仲好！至于阿剂嘅牛柳，就令到我哋相当失望。我
我哋拣咗两个套餐，分别有：
前菜：美国新鲜生蚝、焗美国新鲜生蚝
汤：蚬肉周打汤配粟米、西芹及烟肉同埋海鲜甘笋南瓜汤
主菜：意大利扁面配蟹肉，海胆及红花汁、扒牛柳配黑松露菌汁(五成熟)
甜品：芝士蛋糕
另外，我哋每人加咗一杯红酒
首先，讲讲啲蚝。生蚝同焗蚝都好好味，虽然系美国蚝，但系都好甜。啲蚝望落虽然唔算好大，但食落口感都唔错，几新鲜。焗蚝我哋拣咗用蕃茄汁配，所以加埋落啲蚝度时，带少少酸酸哋，几好食。
至于两款汤我哋都交换试过，感觉好有诚意，因为真系好足料，饮落啖啖都有咬口，味道又相当够，所以好深刻。
主菜方面，我嘅意大利扁面一送到嚟就已经闻到好香，好浓郁嘅味道。一摆低，我就已经急不及待要食喇。食落时，完全无失望嘅感觉，因为我正正将我嘅嗅觉变成一模一样嘅味觉。蟹肉嘅份量都好合理，好欣赏佢哋用埋海胆做配料，因为将啲海胆连埋啲扁面一齐食时，啲海胆味都依然咁出。当然，如果海胆份量都可以多啲的话，仲好！
至于阿剂嘅牛柳，就令到我哋相当失望。我哋已经叫五成熟，但系一刀切落去时，已感觉到唔只五成，最初以为外围比较熟，点知食到中间都系咁。虽然牛味唔错，但系食落一啲都唔似牛柳，仲好鞋添！简直觉得白白浪费咗件牛柳，好可惜……
成晚最最最唔掂嘅，就系呢件芝士蛋糕喇。一摆落口，哗！我觉得好粗糙，味道又唔够，我真系无办法坚持食晒成件，而且内心仲暗暗后悔，早知要雪糕好过，起码稳阵啲！！
值得一提嘅系加$25嘅𠮶杯红酒，好易入口，抵！
张贴