赤山風味料理 (已結業)

今日收工约左老公去新蒲岗mikiki 一田买野，顺便行下商场，行到攰想找地方e肚，同老公提议去之前去过嘅赤山日本料理食放题，我记得当时食物几好食，于是就再试。 赤山喺新蒲岗广场二楼，入去就有位，服务员有礼带位，十分欣勤，餐厅唔算大，但座位唔逼夹，几适合我两口子共晋晚餐呢～ 经服务员得知现在没有放题，我俩都没有所谓，先来6只生蚝，生蚝大只肥美，食落好新鲜，好Juicy~我老公系好钟意食蚝的，佢都赞不绝口呢～ 我叫左个面豉大肠窝，面豉味好香，上枱热辣辣，大肠份量不少，另上一碟芥末酱，大肠点上芥末酱，简直一绝，芥末香味盖过大肠的怪味，好特别啊！汤汁好清甜，因为加上白萝卜，大肠食得肥腻可以食清甜的白萝卜，很好的配搭。 鱼生刺身饭刺身份量都多，新鲜的。 值得一提，巨鳗寿司，鳗鱼烧得十分香，照烧汁香甜，烧得唔干保留到原有肉汁，好大份量嘅鳗鱼，好味道！ 整体可以推介朋友仔，好味道！