Crispy Bistro (已結業)

每日返工都经过，以前装修较为开扬，后来加咗玻璃门。今日早放，拣咗黎哩度食 lunch。唔知系咪岩岩开门，成个餐厅只有我一个人，可以静静咁享受午餐。店舖大约有10个座位，座位旁边就系厨房水吧，落单后，就会见到职员默默咁准备食物。可能仲早，所以职员都只有一位，落单、准备食物到收钱都系一个人，一脚踢。墙上有zentangle 画装饰 (忘记影相) 由于只有我一个，所以食物上菜速度都算快。All Day Breakfast 有得拣配 sour dough 或者 waffle 。我自己系waffle 爱好者，但好怕啲餐厅整嘅waffle 唔香好淋。不过有得拣waffle 嘅地方唔多，就俾一次机会佢！果然佢无令我失望！仲有成4片咁多！餐厅自动配埋蜜糖。份早餐有沙律菜，又有 smoke salmon，份量够哂👍🏻点完餐，职员会放底沙律酱汁架。就会俾客人静静咁用餐。