Delaney's Wanchai (已結業)

揾食贴士: 1230前都好多位拣，1300有8成满。部门即庆午宴或三五知己即庆饭局，想有个grand grand 地，又静静地的地方，就可以考虑呢到。见系新餐厅，又系酒吧格局，本来唔抱大希望。点知入到去地方出奇地整洁，又无烟味，坐位舒适，如果你好怀念怡东双城吧，呢到可以系一个好选择。食物水准中上,叫咗个Set Lunch,系肠仔薯蓉。以为都系hea嘢，点知。。。肠仔皮又薄又脆，仲要啲肉唔系梅嘅，正! 到个薯蓉，以为系开粉即成嘅方式，点知，系真。薯。蓉。有薯仔味，又creamy. 正到呢！个餐饮，我叫咗柠檬茶，啲柠檬好新鲜，唔系又干又苦𠮶啲，茶底正常嘅。未食完已经忍唔住whatsapp俾同事，话佢地知揾到好嘢!美中不足嘅系前菜个汤，系西兰花忌廉汤，有啲稀，但系谂吓，十只手指有长短，再望吓个价钱，都系唔好太要求高啦！最后仲要赞吓侍应，招呼好好，唔系十问九唔应𠮶啲!