鮨玥 (已結業)

同女友人来到西湾河食日本野，一直唔知海滨依边有咁多餐厅。餐厅座位舒适，唔怕坐得挤迫，整齐清洁，感觉休闲。本鲔寿司盛$265一睇就知好新鲜，一次过可以试晒唔同质感层次嘅吞拿鱼寿司，睇色泽已经令人心动。赤身、中拖罗大拖罗，三款入边我最喜欢大拖罗嘅油脂感。特大北海道厚岸蚝 $156特大嘅北海道蚝，肥大饱满，一啖放入口超级满足，海水味重。唐扬日本池鱼苗 $68第一次食，又几特别，一啖一口，脆卜卜。油份唔会过多，用嚟送我哋嘅生啤，一流。明太子鸡翼$60鸡翼烧得好靓，明太子酿鸡翼超饱满，带有少少辛辣味。西京平目鱼$85西京烧甜甜地，油份极高嘅平目鱼。鱼外皮烧得焦香，鱼肉滑脱脱。生姜烧安格斯牛肉丼$130安格斯牛肉味浓，酱汁甜甜地，佢嘅米饭亦都好软熟，粒粒米饱满。