La. Tomokuo Japanese & Western Cuisine (已結業)

吞拿鱼他他($98)叫左个他他做前菜，卖相好靓，食落口好滑，配埋调配好既酱，正！葱烧鸡卷配照烧汁set dinner($188)Set dinner包前菜、餐汤、主食、甜品，前菜司令拣左鲜虾鸡尾酒杯，沙律用杯上，卖相好靓仔，里面只虾咬落弹牙，几鲜甜，沙律简简单单落左千岛酱已经唔错。餐汤系蘑菇汤，加左松露油，超香㖞，配埋焗到脆卜卜既蒜蓉包，饮落好满足！讲返主菜，鸡卷中间卷起左啲葱，食落唔会有好浓既葱味，反而几香，加上鸡卷外围系卷左鸡皮，有够一份油香，略嫌份量少左啲，男仔未必够。甜品系奶冻一个，好香浓，好有奶味，比一般糖水舖更出色！