更多
2017-09-10
6879 浏览
屋企只”肥牛“想睇戏,但星期日难买飞,所以决定去九龙湾国际展贸中心嘅星影汇睇睇,好彩买倒22:00票,但五点几时间尚早,原本谂住去尖沙咀行一阵再返黎睇戏,点知忽然狂风暴雨,唯有留喺商场睇下有乜节目,见有间叫“丰膳”嘅自助餐餐厅,晚餐系18:30-21:30 星期日每位328元,e-Max会员有85折,又可以坐到21:30,于是决定试一试。未到18:30,员工已安排入座先攞野饮,但食物就要够钟先可以出去攞,虽然星期日,但客人唔多,可能同网上食评一般有关。绕场一周,见食物种类唔算多,但亦唔算少,刺身、蟹脚,寿司、沙律、冷盆、小食、熟食、烧牛肉、烧羊架,甜品、糖水、朱古力喷泉、生果,Dryes雪糕,仲有果汁咖啡汽水啤酒任饮。由于我唔食生冷食物,所以冇食刺身,”肥牛“话三文鱼都算肥美新鲜,蟹脚都有蟹味,至于我就钟意佢嘅烧牛肉同烧羊架,烧至半生熟刚好,肉质柔软,但羊膻味就冇乜,个人比较钟意膻味重啲,至于其他熟食质素就一般,甜品全都迷你size,可以试多几种,马卡龙做到手指头禁迷你,好可爱!另一方面,员工亦好有礼貌,如果系想坐得舒服又想静静地同朋友或伴侣一齐食餐饭倾下偈,呢度都系唔错嘅选择喔!(本
未到18:30,员工已安排入座先攞野饮,但食物就要够钟先可以出去攞,虽然星期日,但客人唔多,可能同网上食评一般有关。
绕场一周,见食物种类唔算多,但亦唔算少,刺身、蟹脚,寿司、沙律、冷盆、小食、熟食、烧牛肉、烧羊架,甜品、糖水、朱古力喷泉、生果,Dryes雪糕,仲有果汁咖啡汽水啤酒任饮。由于我唔食生冷食物,所以冇食刺身,”肥牛“话三文鱼都算肥美新鲜,蟹脚都有蟹味,至于我就钟意佢嘅烧牛肉同烧羊架,烧至半生熟刚好,肉质柔软,但羊膻味就冇乜,个人比较钟意膻味重啲,至于其他熟食质素就一般,甜品全都迷你size,可以试多几种,马卡龙做到手指头禁迷你,好可爱!另一方面,员工亦好有礼貌,如果系想坐得舒服又想静静地同朋友或伴侣一齐食餐饭倾下偈,呢度都系唔错嘅选择喔!(本身有蟹脚图片,但上传唔倒)
张贴