影片
更多
2007-11-30
30 浏览
约班旧老友食饭，有人想食中式，因有朋友经常哩呢度食饭，又有VIP卡，就决定呢间！因为唔系Ｄ咩好出名食肆，又唔系咩连锁集团，又唔系正Ｄ大街度，所以晚市唔多人，静静局方便大家倾偈，唔似Ｄ好旺场嘅酒楼咁，真系好嘈吓。散叫都比较贵，好彩佢有Ｄ抵食套餐，我哋5个人，女仔多，所以叫个4人餐- 「皇帝虾海鲜套餐」（$388），有一客特色小碟、丰料老火汤、极品皇帝虾（4只）、清蒸海上鲜同两款自选厨师精选小菜、中式糖水，再要几个白饭，连茶芥，因VIP卡有9折，埋单每人都系$95！而且，服务好好，换碟又快，侍应有礼，加上朋友系熟客同经理熟，佢醒咗个生果盘俾我哋之余，仲额外整多个佢哋招牌甜品俾我哋食！好正！1. 餐前嘅特色小碟我谂住细细碟，原来都唔少，虽然只系分蹄，但做得好爽！2. 个老火汤今晚系翅群煲猪展，原个瓦煲上，份量都够5、6碗，无味精，好够味，每匙更都系精华；汤渣就另外碟上，食味就无乜，我谂志在被客睇睇个汤系真材实料咁！3. 极品皇帝虾，香煎后逐只碟上，真系有成只手掌咁大，用刀叉哩食，大啖大啖咬落Ｄ虾肉度，好正！可惜，4人餐得4只，有位老友甘愿自我牺牲，真系多谢佢咁为大，阿茵，只皇帝虾真系好好食架
散叫都比较贵，好彩佢有Ｄ抵食套餐，我哋5个人，女仔多，所以叫个4人餐- 「皇帝虾海鲜套餐」（$388），有一客特色小碟、丰料老火汤、极品皇帝虾（4只）、清蒸海上鲜同两款自选厨师精选小菜、中式糖水，再要几个白饭，连茶芥，因VIP卡有9折，埋单每人都系$95！而且，服务好好，换碟又快，侍应有礼，加上朋友系熟客同经理熟，佢醒咗个生果盘俾我哋之余，仲额外整多个佢哋招牌甜品俾我哋食！好正！
1. 餐前嘅特色小碟我谂住细细碟，原来都唔少，虽然只系分蹄，但做得好爽！
2. 个老火汤今晚系翅群煲猪展，原个瓦煲上，份量都够5、6碗，无味精，好够味，每匙更都系精华；汤渣就另外碟上，食味就无乜，我谂志在被客睇睇个汤系真材实料咁！
3. 极品皇帝虾，香煎后逐只碟上，真系有成只手掌咁大，用刀叉哩食，大啖大啖咬落Ｄ虾肉度，好正！可惜，4人餐得4只，有位老友甘愿自我牺牲，真系多谢佢咁为大，阿茵，只皇帝虾真系好好食架。
4. 清蒸海上鲜用咗大仓鱼，唔算好大条，不过就好新鲜，蒸得又啱啱好，所以Ｄ肉好滑，好鲜味！
5. 厨师精选小菜就拣咗西芹花姿片同蜜饯柚子骨，前者无乜特别，大路酒楼菜，后者Ｄ味道几好，甜甜哋，又唔觉漏，不过Ｄ肉韧咗少少！成餐饭系Ｄ小菜水准低Ｄ。
食完Ｄ糖水（红豆沙或芋头西米露）同生果盘之后，经理额外醒我哋嘅招牌甜品系桂花豆沙糕，上下两层桂花糕夹住中间一层薄薄嘅豆沙馅，桂花偏清淡，豆沙偏香甜，两者一夹有幽幽桂花香，又有红豆嘅甘甜，好夹，好味道！一餐好食嘅晚饭始终要有一道好食嘅甜品作结束先至觉得完整嘅。
张贴
