影片
更多
2019-04-29
131 浏览
住大坑嘅朋友极力推介呢间日式居酒屋, 所以今晚黎到食我人生中第一次嘅 Omakase !!居酒屋室内设计非常柔和, 座位主要以 Bar 枱为主, 可以边食边向师傅偷师｡今晚拣左个有前菜+刺身+热食+寿司+汤品+甜品嘅 Omakase 餐｡前菜: 兵库县生蚝 + 富山湾萤光鱿鱼 + 水云发菜生蚝肥大肉厚, 肉质鲜嫩, 入口味道甘甜爽口｡ 萤光鱿鱼肉身多汁, 口感烟韧, 触须部份较爽脆｡ 水云发菜入口非常黏滑, 味道微酸, 令人有开胃嘅感觉｡平政鱼望落有 D 似油甘鱼, 但味道比油甘鱼更清甜, 油份不会太多, 肉质较弹牙, 配埋酸汁食更加美味｡北海道帆立贝 (柚子皮)颜色呈乳白色, 大大粒非常饱满, 口感弹牙, 加上少少柚子皮, 令味道更鲜甜浓郁｡蛋黄酱牡丹虾配鱼子酱牡丹虾剥壳挑肠后放入蛋黄酱轻拌, 令虾肉口感变得嫩滑鲜甜, 再配以鱼子酱增加咸鲜味, 味道非常有层次｡北海道毛蟹蟹醋啫喱蟹味浓郁, 啖啖肉, 可以大口大口咁食, 而且加入蟹醋啫喱, 啫喱入口即溶, 其酸味大大提升左蟹肉味, 非常好嘅配搭｡深海池鱼比一般池鱼更加鲜甜, 肉质爽嫩, 轻微带点油份｡烧中拖罗厚切嘅中拖罗, 用火枪轻炙
居酒屋室内设计非常柔和, 座位主要以 Bar 枱为主, 可以边食边向师傅偷师｡
今晚拣左个有前菜+刺身+热食+寿司+汤品+甜品嘅 Omakase 餐｡
前菜: 兵库县生蚝 + 富山湾萤光鱿鱼 + 水云发菜
生蚝肥大肉厚, 肉质鲜嫩, 入口味道甘甜爽口｡ 萤光鱿鱼肉身多汁, 口感烟韧, 触须部份较爽脆｡ 水云发菜入口非常黏滑, 味道微酸, 令人有开胃嘅感觉｡
平政鱼
望落有 D 似油甘鱼, 但味道比油甘鱼更清甜, 油份不会太多, 肉质较弹牙, 配埋酸汁食更加美味｡
北海道帆立贝 (柚子皮)
颜色呈乳白色, 大大粒非常饱满, 口感弹牙, 加上少少柚子皮, 令味道更鲜甜浓郁｡
蛋黄酱牡丹虾配鱼子酱
牡丹虾剥壳挑肠后放入蛋黄酱轻拌, 令虾肉口感变得嫩滑鲜甜, 再配以鱼子酱增加咸鲜味, 味道非常有层次｡
北海道毛蟹蟹醋啫喱
蟹味浓郁, 啖啖肉, 可以大口大口咁食, 而且加入蟹醋啫喱, 啫喱入口即溶, 其酸味大大提升左蟹肉味, 非常好嘅配搭｡
深海池鱼
比一般池鱼更加鲜甜, 肉质爽嫩, 轻微带点油份｡
烧中拖罗
厚切嘅中拖罗, 用火枪轻炙表面, 略加少少岩盐, 用紫菜夹住拖罗 & 紫苏叶｡ 中拖罗肉质肥美浓郁, 加上油香而无筋, 有入口即溶嘅感觉, 紫菜 & 紫苏叶刚好平衡左拖罗嘅油腻感｡
汁煮金目鲷鱼鲛
鱼肉已经煮到非常入味, 而且可以用 “香浓嫩滑” 黎形容｡
寿司 (寿司饭系用赤醋打成, 所以饭粒呈琥珀色, 味道会更香醇浓郁):
金目鲷寿司: 鱼皮轻炙一下, 油脂比较适中, 肉质细腻, 爽甜新鲜, 肥美得黎又唔腻｡
剥皮鱼寿司: 剥皮鱼肉味本身较淡, 但用鱼肝压成蓉同剥皮鱼捞埋, 味道即刻升华左｡
中拖罗寿司: 味浓肥美, 油香丰富, 入口即溶｡
海胆寿司: 用上两款海胆 (马粪海胆 & 白海胆)｡ 马粪海胆味道浓厚甘甜, 而且回甘味强｡ 白海胆肉质嫩滑, 口感同样浓郁, 甘甜度属中高｡
三文鱼籽寿司: 三文鱼籽上放左少少柚子皮碎, 令味道更鲜明｡
右口鱼边寿司: 经火枪轻炙后, 鱼油迫晒出黎, 口感顺滑｡
洋葱拖罗手卷: 拖罗打成蓉, 再混入洋葱及其他配料后卷成手卷, 鱼蓉入口即融, 油香更强烈｡
鱼汤
真材实料嘅鱼汤, 鱼味超浓郁, 而且鲜味十足, 相信系用左劲多鱼 & 鱼骨熬成, 绝对系冇得输｡
甜品: 绿茶雪糕 鸡蛋布甸
绿茶雪糕上放有红豆粒, 绿茶雪糕 + 红豆粒一定系绝配｡
鸡蛋布甸蛋味香浓, 口感嫩滑, 味道唔会好甜｡
题外话/补充资料：
Wasabi 系用新鲜山葵磨成
(以上食记乃用户个人意见 , 并不代表OpenRice之观点。)
张贴
