Brick by Brick

营业中

休息中

舖头好隐闭，细细间，有十几个位。我估侍应系老板娘，好用心咁介绍餐牌、菜式，有种家庭小餐馆嘅感觉。*秘制马来西亚咖喱喇沙汤面 鱻鱼三宝 $98咖哩喇沙加入咖喱粉以及椰浆，汤头未算浓厚，但入口温醇唔辣，能够同时饮到咖喱同椰浆味。鱻鱼三宝系鱼糕、鱼饼、鱼豆腐，索汤又有咬口。面条系掺掺，黄面+米粉，面质偏韧，唔会浸到太腍。火热马拉砂煲肉骨茶 $148肉骨茶用各种药材熬煮，材料全天然冇味精，味道温醇甘甜，淡淡都系精华。猪软骨煲到软腍入味，带有淡淡嘅药材回甘味。配白饭可以当泡饭食😂油炸鬼同手工蒜香米饼炸得略油略硬。