尚青商號 (已搬遷) 新店位置

听朋友讲湾仔开左间台湾牛肉面好好食，于是趁夜晚得闲就走去试下！ 黎到门口见到个格局已觉好有feel, 门口摆放住两个邮筒，望入去似系台湾嘅杂货铺，放左好多好怀旧又好有特式商品，令人忍唔住要入去睇下上到一楼，店员好亲切咁招呼，可能系夜晚关系，唔驶点等位就安排坐低食野。店内播住一首又一首经典嘅国语歌，心里跟住一齐唱，好有回忆黎到梗系要试佢最出名嘅牛肉面啦！佢有个叫埔里花雕半筋半肉牛肉面，埔里花雕配牛肉面㖞，呢个配搭咁特别点都要试下！对我黎讲，一碗牛肉面最重要一定系个汤底。当我饮第一啖汤已经知道呢个系好野！ 花雕味同牛肉好夹，浓味得黎食落好开胃。牛肉牛筋超级淋身同入味，食完有种暖暖同舒服嘅感觉，非常出色我好钟意佢嘅配菜，酸菜油条，味道不错呢间绝对系令人encore再encore嘅餐厅