影片
更多
2021-11-06
50 浏览
喺铜锣湾行嚟行去唔知食乜好，最近又成日食西餐，所以想转吓口味🥢。经过谢斐道𠮶边，「大澳德发」嘅店员系咁叫人入去试吓，见招呼咁好，又有唔少人食紧，就决定帮衬。餐厅分上下两层，可坐䢂或行楼梯去二楼，我哋上咗去二楼，环境唔错，而且望到街景，感觉开扬👍。佢嘅格局好似茶餐厅，但就一啲都唔逼夹，坐得舒服。佢同其他茶记一样有提供茶餐同晚饭小菜。不过小菜款式繁多，而且更有好多样系同海鲜有关🦐。餐牌上嘅每一道菜式都好吸引，当中更有孖宝套餐，我哋嗌咗优惠孖宝D($288)，有猪手同杂菜煲。三弄脆皮猪手(原价$188)，哇哇哇，猪手劲大只🍖，以依个价钱嚟讲性价比极高，佢比起喺西餐厅食平好多，而且味道亦一啲都唔逊色。猪皮整得好脆，咬落卜卜声，猪手肉就切得够厚身，而且充满骨胶原，肉质唔嚡。🐷猪手有经盐水腌过，所以唔使沾汁食都已经好够味，咸度恰到好处。咁大只猪手我哋又点食得晒呢，所以连骨打包咗，返到屋企仲可以拎去煲汤添。大澳海味杂菜煲(原价$128)，虽然佢系四周围都有得食嘅杂菜煲，不过就滋味好多🤤。蔬菜菇菌款式丰富，有齐菜芯、白菜、西兰花、冬菇同埋金菇等。除此之外，佢更配以大量大澳海味，包括虾干、虾米同鱿鱼，🦑
喺铜锣湾行嚟行去唔知食乜好，最近又成日食西餐，所以想转吓口味🥢。经过谢斐道𠮶边，「大澳德发」嘅店员系咁叫人入去试吓，见招呼咁好，又有唔少人食紧，就决定帮衬。
餐厅分上下两层，可坐䢂或行楼梯去二楼，我哋上咗去二楼，环境唔错，而且望到街景，感觉开扬👍。佢嘅格局好似茶餐厅，但就一啲都唔逼夹，坐得舒服。
佢同其他茶记一样有提供茶餐同晚饭小菜。不过小菜款式繁多，而且更有好多样系同海鲜有关🦐。餐牌上嘅每一道菜式都好吸引，当中更有孖宝套餐，我哋嗌咗优惠孖宝D($288)，有猪手同杂菜煲。
三弄脆皮猪手
$188
0 浏览
1 赞好
0 留言
三弄脆皮猪手(原价$188)，哇哇哇，猪手劲大只🍖，以依个价钱嚟讲性价比极高，佢比起喺西餐厅食平好多，而且味道亦一啲都唔逊色。猪皮整得好脆，咬落卜卜声，猪手肉就切得够厚身，而且充满骨胶原，肉质唔嚡。🐷猪手有经盐水腌过，所以唔使沾汁食都已经好够味，咸度恰到好处。咁大只猪手我哋又点食得晒呢，所以连骨打包咗，返到屋企仲可以拎去煲汤添。
大澳海味杂菜煲
$128
6 浏览
0 赞好
0 留言
大澳海味杂菜煲(原价$128)，虽然佢系四周围都有得食嘅杂菜煲，不过就滋味好多🤤。蔬菜菇菌款式丰富，有齐菜芯、白菜、西兰花、冬菇同埋金菇等。除此之外，佢更配以大量大澳海味，包括虾干、虾米同鱿鱼，🦑佢哋鲜味十足，令到个汤好好饮。杂菜煲份量超多，垫底又有粉丝，如果无四个人食都唔使指拟KO得晒。
金砖豆腐拼花枝饼
$108
3 浏览
0 赞好
0 留言
金砖豆腐拼花枝饼($108)，呢个小食可以一次过满足两个愿望✌🏻，而且两样都系香口嘢。金砖豆腐如其名，外皮炸至金黄香脆，皮薄无油腻感，而内里嘅豆腐就非常滑溜，一啖食晒咁多层口感好正啊。🦑花枝饼有三件，每件面积唔大，不过胜在够厚，而且用料绝无花假，食得出爽弹花枝肉，但略嫌油份重咗少少。
饮品方面🥤，我哋要咗自家制柠檬薏米水($25)同埋咸柑桔($25)，两杯冻饮都OK嘅，大大杯，味道几清又唔会太甜。
总括嚟讲，大澳德发系非一般嘅茶餐厅，我认为佢嘅定位系介乎酒楼同茶记中间，价钱亦然。晚餐嚟呢度可品尝到水上人家菜，唔使亲身去到大澳都食得到🐟。下次我会约多几个朋友一齐到访，因为佢啲嘢食咁大份，两个人真系食唔到几多啰😆！
张贴
