影片
更多
2023-02-24
1423 浏览
今日去咗MegaBox午饭，正午12点左右，拣咗13楼嘅新斗记，印象中我屋企都有一张新斗记嘅VIP卡，应该系以前佐敦分店比嘅。因为两位入座嘅揿票系攞到A票，004，刚叫完002，心谂应该唔会太耐，B票就系三位至四位（后来入到去，发现两位A票同三位B票，都系坐一样嘅四人卡位）等等下，萤幕显示前面003票系12:36已经入咗去，跟住就一路都只系叫B票三至四位。我地系出面13楼，全层都系得返我地两个人罚企，连个接待都消失埋☹️咁我见个女接待出返嚟，就即时上前礼貌地问下，两位系咪仲要等，佢只系低着头整理自己已完成嘅一张订位名单，眼都冇望我一下，就只答‘仲未有位’四个字⋯双方都dead air咗😑眼见手表已经到咗13:00，佢又开始不断按B票号码，而一直冇人应，佢另一只手就攞住电话答紧对方订位，但一直无视我又去咗佢面前，当佢一放低电话，我就即刻阻止佢，问佢其实我两位A票，系会唔会安排？佢就即刻发火，话佢安排紧啦，另一只手快速地按A票，按走两个号码，突然就去到006，好彩又系冇人应。咁我都唔再客气同佢出示，话我就系004啦！点知我都未闹佢无视我，佢就先闹我😳我做客，真系第一次企喺度要俾职员闹。如果门
因为两位入座嘅揿票系攞到A票，004，刚叫完002，心谂应该唔会太耐，B票就系三位至四位（后来入到去，发现两位A票同三位B票，都系坐一样嘅四人卡位）
等等下，萤幕显示前面003票系12:36已经入咗去，跟住就一路都只系叫B票三至四位。
我地系出面13楼，全层都系得返我地两个人罚企，连个接待都消失埋☹️咁我见个女接待出返嚟，就即时上前礼貌地问下，两位系咪仲要等，佢只系低着头整理自己已完成嘅一张订位名单，眼都冇望我一下，就只答‘仲未有位’四个字⋯双方都dead air咗😑
眼见手表已经到咗13:00，佢又开始不断按B票号码，而一直冇人应，佢另一只手就攞住电话答紧对方订位，但一直无视我又去咗佢面前，当佢一放低电话，我就即刻阻止佢，问佢其实我两位A票，系会唔会安排？
佢就即刻发火，话佢安排紧啦，另一只手快速地按A票，按走两个号码，突然就去到006，好彩又系冇人应。
咁我都唔再客气同佢出示，话我就系004啦！点知我都未闹佢无视我，佢就先闹我😳我做客，真系第一次企喺度要俾职员闹。
如果门口唔系大大个月饼，挂住系车呔人星级餐厅，我都唔打算写出嚟，第一下嘅招迎服务，已足以要搣走乜星星啦🌟
食物方面，有姜葱焗美国桶蚝，豉汁凉瓜炒牛肉，两个点心，烧卖同叉烧酥，都相当出色，除咗碟蒜蓉炒豆苗，咸到苦，食唔掂，揾咗个西装男帮手，退返俾佢，请佢找师傅自己试吓先（咪虐待我地食客😌）佢真系攞咗去要一段时间，先再返嚟，我见佢唔知讲乜好，我就礼貌地同佢讲，炒过一碟就得喇，佢就去咗执行，原来佢系AI 人 一个，Robot嚟㗎😂
呢间真系我遇到嘅非一般星级服务食店，员工服务范围，绝对唔包括讲道歉。两位埋单连加一系$647，走嘅时候，又有一个西装男，同我哋嘅背影讲多谢😅😂
张贴