蛇王二 (已結業)

食烧味嘅选择有好多。基本上大部份嘅香港人都会钟意食烧味。但系提供烧味嘅餐厅质素可以好参差。无论质素上啦价钱上啦，分别都可以好大。蛇王二。我间中都会嚟食佢个烧味饭。其实佢最出名应该系蛇羹， 尤其是响冬天，你食饭往往都要排队等位。蛇羹足料又好味，大家要试。不过今日我想饮汤。佢嘅炖汤选择亦都有好多。价钱亦都唔贵。今日我拣咗:1。烧鸭胸拼少肥叉烧饭2。陈肾西洋菜汤虽然佢系用烧鸭唔系用烧鹅。但系烧鸭烧得好香。烧鸭皮有脆又香。同师傅讲叉烧要小肥。啱啱好。你嘅叉烧脂肪度正合我心意。叉烧亦都系烧得非常之香。我拣咗要烧鸭胸 因为鸭胸比较多肉正合我心意，你哋自己亦都可以选择亦都可以加钱食鸭脾。西洋菜陈肾汤。 好香嘅肾味。分量亦都适中。$78 ， 有好味嘅烧味， 有一碗炖汤。价钱非常之合理。位置可能会有少许逼夹，但食物嘅质素非常之高。当大家想食烧味饭又想饮一碗靓汤，真系可以试一试蛇王二。