棋哥燒鵝 (已結業)

放工后出有事要尖沙咀, 顺便同朋友们食埋晚餐。呢段时间，人人都好怕出街食，就算出街食都好讲求卫生。行经棋哥烧鹅，见店内员工都有带哂口罩，有做清洁，就入去食。花生眉豆鸡脚猪骨汤, 非常足料，劲多汤渣，好浓郁，而且注明不加味精，真系想饮多碗！主打烧鹅，也名不虚传。原只烧鹅髀，肉质松软，适量肥膏，烧鹅皮又香又脆，有好香嘅烟熏味。同时保留到肉汁同鹅油嘅油脂香。层次比一般烧鹅多，用心制作。烧腩仔，超级脆皮，好似新鲜出炉嘅感觉。味道适中唔会有死咸嘅感觉，唔单止皮烧得非常香脆, 肉质都都十分嫩。半肥瘦叉烧最好食，虽然唔知佢用咩部位做叉烧，但入口感觉像梅头，好林好松软，带一点点肥。烧得刚刚好，又够蜜汁。呢个餐真系好抵食，仲有油菜, 饭/濑粉/米粉,仲送老火汤或饮品。