影片
更多
2023-07-27
913 浏览
朋友约咗入元朗食日本嘢，我初头仲以为食蛋包饭，原来唔止蛋包饭，仲有日本串烧、鱼生刺身、日本料理，根本就系日本居酒屋。后来先知道人哋个招牌写明系居酒屋😂😂😂。店里面装修好日式居酒屋feel，有好多唔同嘅小摆设，店主应该花咗好多思。呢只鸡蛋 ... 我钟意😊。呢面系影音区，会播下日本歌，电视会播下大厨之前电视台同杂志做过嘅访问 ... 华师傅原来都有名气架㖞。朋友先点咗鸡泡鱼干同枝豆，鸡泡鱼干整热咗较为软身都几好味，送酒一流。枝豆我就冇食啦。呢一碟叫水云。🤔我之前好似未食过，原来系冻食嘅，店员提醒要搅匀先食，冰冰冻、酸酸哋，先醒醒胃👍三五知己难得一聚，当然要揾饮两杯啦😊 今次拣咗獭祭，容易入口、几好味。日式炸鸡，炸得几干身，肉质仍然好滑口，正👍土佐豆腐，热辣辣，豆腐嘅味都几香。朋友点咗两条原条鱼刺身。一条系鲈鱼、另一条系鲷鱼。两条我都钟意食😊白白哋呢条系鲈鱼，鲈鱼肉质比较有咬口，鱼味浓少少。红色呢条系鲷鱼。鲷鱼比较爽口，鱼味较为清。呢味系无骨芝士鸡腿，系我其中一个推介，无骨鸡腿，肉质好嫩滑，里面仲有芝士，配搭得好好。串烧叫咗几款，有牛舌、鸡肉、烧鸡皮，好味。烧牛舌都几考功夫，牛舌烧得好林、
后来先知道人哋个招牌写明系居酒屋😂😂😂。
店里面装修好日式居酒屋feel，有好多唔同嘅小摆设，店主应该花咗好多思。
呢只鸡蛋 ... 我钟意😊。
呢面系影音区，会播下日本歌，电视会播下大厨之前电视台同杂志做过嘅访问 ... 华师傅原来都有名气架㖞。
朋友先点咗鸡泡鱼干同枝豆，鸡泡鱼干整热咗较为软身都几好味，送酒一流。枝豆我就冇食啦。
呢一碟叫水云。🤔我之前好似未食过，原来系冻食嘅，店员提醒要搅匀先食，冰冰冻、酸酸哋，先醒醒胃👍
三五知己难得一聚，当然要揾饮两杯啦😊 今次拣咗獭祭，容易入口、几好味。
日式炸鸡，炸得几干身，肉质仍然好滑口，正👍
土佐豆腐，热辣辣，豆腐嘅味都几香。
朋友点咗两条原条鱼刺身。一条系鲈鱼、另一条系鲷鱼。两条我都钟意食😊白白哋呢条系鲈鱼，鲈鱼肉质比较有咬口，鱼味浓少少。
红色呢条系鲷鱼。鲷鱼比较爽口，鱼味较为清。
呢味系无骨芝士鸡腿，系我其中一个推介，无骨鸡腿，肉质好嫩滑，里面仲有芝士，配搭得好好。
串烧叫咗几款，有牛舌、鸡肉、烧鸡皮，好味。烧牛舌都几考功夫，牛舌烧得好林、又干身、香口，好好味😋。
烧鸡皮更向后好似食薯片咁，唔会觉得肥腻。
烧鸡肉，外脆内软。鸡肉𥚃面仲好Juice。
大家食咗几串串烧，见咁好味，追加左墨鱼咀同鸡软骨，仲有烧饭团。
烧饭团拣咗两只味，分别系明太子、木鱼饭团。我食咗明太子，食到外面嘅饭焦、咬开𥚃面明太子好香㖞。
呢个系朋友点嘅，上枱时我仲以为系炸紫苏叶，原来冇咁简单 ... 炸紫苏叶𥚃面有蟹膏，食落口蟹膏味好浓好香，呢个系另一推介。
纵观来讲呢间系一间日本餐厅令我喜出望外，好好食嘅日本餐厅，比起尖沙咀、铜锣湾嘅日本餐厅好食，性价比又超高。下次一定要再嚟食真正嘅蛋包饭😂😂😂
张贴
