茶餐廳2.0 (已結業)

又系医肚嘅时候，今晚决定出街食，位于大埔中心的茶餐厅2.0之前喺出面食过佢嘅分店都唔错，就去大埔分店试吓。餐厅落地玻璃可以直接望到出面，仲有卡位四人枱等座位选择，环境空间好大、感觉舒适。餐牌厚厚的，入面嘅食物图片非常吸引，而且多款选择。最后我哋拣咗西式晚餐，加拿大西冷牛扒及香草烧羊扒套餐，餐汤仲有中西式选择，我们各叫了一款。平时屋企少汤水，呢度嘅红萝卜汤都几鲜甜，仲有大大嚿红萝卜。我朋友系牛魔王，西冷牛扒都几大块，叫了七成熟，牛肉都几软口，而且味道浓郁，配白饭黑椒汁一齐食更加滋味。我的就是香草烧羊扒，羊排一份有三条，食落去一啲都唔骚，肉质仲颇为鲜嫩，今次我就点了意粉 🍝。仲有得饮黑糖珍珠鲜奶，可以比我咬下啲Q弹珍珠，而且鲜奶香醇，朋友也叫了一杯热的。最后美味的牛乳蛋糕甜品为呢一餐丰盛的晚餐画上句号，整体来说食物质素不错，值得再试。