たいおいしい鯛魚湯料理 (已結業)

今日试新嘢，见开左间新日本料理，午餐一个人去食。好多料理都差唔多$85起跳，价钱不算大众化。但佢有汤、温泉蛋（我无要）、沙律（前菜）、饭同主食。基本都好食，不过嘴刁嘅我，发现猪扒唔系白身猪扒，好似巴西猪扒质地，嫩滑但系有少少粉红。佢都相当大件，伴埋沙律菜都相当大份。女士实食唔晒👍🏻而且佢既饭有饭素，又劲大碗，如果想食饱点，呢度系唔错嘅选择。而环境方面，私隐度算高，由不同卡位组成。有6-8人枱都坐得舒服。上菜算快。如果多人食饭，想中午坐得舒服啲，同同事好好吹水，呢度都系唔错选择。希望下次试吓其他野会有惊喜。