新華源茶餐廳

营业中

休息中

无论门面同装修都唔会令人觉得有乜特别，只有食开嘅人至知，其实同区之中呢度食物嘅质素实在系高，尤其系佢哋嘅煎猪扒。今日睇完医生同老母、二嫂嚟食lunch。由于份量唔少，而三个人入面有两个食量都唔大，于是叫晒两个午餐就算。一个系淡黑椒汁煎猪扒，另一个系红酒烩牛尾。虽然叫两个餐，见我哋三个人都照俾三碗汤，仲系大大碗足晒料，味精饮落唔多。牛尾焖得好淋好入味，个汁捞饭好正。猪扒个汁就唔辣，只系有香黑椒味，不过块猪扒就好似落多咗松肉粉，因为食落淋得滞。以前呢度仲有粉面，今日去见到个位吉咗。除咗饭正，个人推介呢度嘅早餐同特餐，猪扒公仔面固之然正，有个沙嗲牛肉奄列都极正。通常前一晚玩得夜嘅sunday morning都会嚟食返个。