少爺泰 (已結業)

今日下午同个同事要入沙田河畔帮老板交收一些文件同货，放工的时候个同事好雀跃话要我试下这间泰国菜餐厅，他上次入沙田踩单车食过，极力推介。先来两杯特色饮品：帕差拉吉蒂雅帕(泰公主)，由草莓、苹果、青柠制成，草莓味道较浓；另外的驱魔师沙冰，由荔枝及蓝柑制成，喜欢它香甜的荔枝味。前菜点了青木瓜MIX青芒果沙律，爽口生果丝配丰富沙津汁，师傅加了腰果、花生，仲有迷人漂亮的樱花虾，酸酸辣辣惹味好醒胃。还有"唔系炒嘅街头泰北生菜包"，一大碗肉碎加入紫洋葱碎及香料，非常可口，新鲜爽脆生菜，份量也很足够。鲜虾带子墨鱼汁意粉，的确美味，虾同带子都非常新鲜弹牙，个墨汁意粉好味道呢！意粉爽口，用洋葱炒，好入味，我胆敢可以话炒得好食过出面好多餐厅。串烧鸡柳泰炒饭，个串烧大大串，沙嗲汁有较浓的椰汁香味，好吸引，炒饭材料包括泰式腊肠、豆角、鸡蛋，个饭炒得粒粒香口。如果餐厅可以有泰式甜品提供会更理想。这里地方都适合一大班人，下次可以约多啲朋友嚟试佢嘅蟹面包、炸鸡面包、烧猪手......