BV Kitchen & Bar (已結業)

真系好开心, Dry佐好几年, 好不容易先至识到新女朋友, 梗系带佢去一间有情调又有口碑嘅餐厅, 食下野啦, 食西餐应该系唔错嘅选择, 而且应该啱佢口味, 一定系-除非唔系 。先上一个汤, 系松露蘑菇汤, 味道好浓郁入口食到菇菌蓉, 味道上面系好嘅, 而且够creamy 但系我就觉得比较杰咗少少, 如果希番些少唔会比较好, 我觉得系咁。至于主菜, 我嗌咗鹅肝和牛汉堡, 我未食过有鹅肝既burger, 所以试下, 其实听个名就好似好油腻好heavy咁样, 只不过咬落口就完全唔觉油腻, 只系觉得味道丰厚, 两样野味道都非常之夹, 鹅肝味道够浓郁, 个和牛汉堡排又鲜嫩, 真系顶瓜瓜。