滾喜火鍋專門店 (已結業)

天气开始冻最适合嘅就系打边炉，知道旺角通菜街开咗间新嘅火锅店，所以决定去试吓。餐厅位于旺角女人街，位置非常方便，而且新开张仲有八折。入到去见到装修好有心思，座位非常舒服，楼底高所以非常宽敞。 鸳鸯汤锅可自选汤底，点左蕃茄浓汤同香茜皮蛋锅，蕃茄浓汤蕃茄味非常浓郁，香茜皮蛋锅，材料十足仲好多皮蛋。炸咸蛋鱼皮，咸蛋黄包住脆卜卜炸鱼皮，每一啖都充斥着咸蛋嘅香味，食到停唔到口。另一款鬼马油炸鬼，油炸鬼上面加左虾滑，爽口弹牙嘅虾滑加上脆卜卜嘅油渣鬼，口感一流。白鳝片鲜甜弹牙冇腥味，脆鲩片新鲜非常爽脆。游水海中虾，味道鲜甜而且爽口弹牙，仲好大只。元贝好大份，只只完贝都好大粒，而且洗得非常干净，鲜甜之余仲冇沙。顶级雪花安格斯，脂肪分布平均而且呈雪花状，肉嫩多汁而且牛味十足。鸳鸯滑拼盘，虾滑加上蟹子食落仲有虾粒，牛肉口感一流。猪润厚身，好大份好好味。😋皇帝菜翠绿新鲜，蜂巢豆腐同红薯粉吸收左汤嘅精华，味道一流。竹蔗茅根水材料十足，而且甜度适中。餐厅员工服务态度一流，而且价钱超值。