覓食家

营业中

休息中

今日又做孤独的美食家，中午放饭1个人行元朗揾食，行左阵系教育路附近见到觅食家，呢间分店都开左一段时间，都听闻过佢地既炸鸡肶好出色，反正唔知食乜就试试啦。小店店面好细，得6张2人枱，人多时先拼埋一齐，有人行过时可能会有dd碰撞，要留意下，坐底睇下餐牌，款式黎讲唔太多主要都系果几款，可选饭，意粉，面或沙律。至识食鸡髀煎蛋饭第一次黎食当然要试下招牌菜炸鸡髀啦，就要左个鸡髀煎蛋饭配黑椒汁，落单后5分钟左右就到了，鸡髀果然超大只，好厚肉，新鲜炸起热辣辣，鸡皮超香脆好似薯片咁，肉质又嫩滑唔会炸得好干，而且仲有调味唔洗单靠d汁，非一段茶餐厅可比既炸鸡髀，煎蛋系脆边太阳蛋，蛋黄唔会过生但都仲流到蛋汁，捞饭一流，饭量睇落唔算多，但讲真食完只鸡髀我都差d食唔晒d饭，建议细食d既朋友考虑下转沙律薯饼，另外黑椒汁都做得好好。冻柠茶冻饮加3蚊，叫左少甜，的确系少甜，不过可能少甜关系沟淡左d茶味，但胜在够大杯。总结黎讲呢个餐食得好满足，呢只炸鸡髀系近年来食过最好既一只，睇得出店家都好比心机做好食物，要赞，价钱黎讲同一般茶餐厅差不多，但食物质素高变相更抵食。