吉野家 (T Town North)

营业中

休息中

相信无乜人会未食过「吉野家」，佢地最近又有新搞作，推出新品 - 🥩盐烧和牛丼，喜爱牛肉饭🍚嘅我梗系要第一时间试啦。盐烧和牛丼采用咗M8-M9优质和牛🥩，肉质较普通牛丼更为柔软多汁，肥瘦度适中，配上生菜丝及紫菜，令丼饭味道更有层次😌；而好消息系盐烧和牛丼唔系期间限定😍，会常驻系吉野家，咁想几时食都得啦。另外，吉野家全新早餐及下午茶系列亦隆重登场，更只系低至$20起🤩，除了招牌嘅和风牛肉丼和野菜煎鸡丼🍗，仲有新推出嘅「和风牛肉、嫩滑炒蛋配迷你饭/米粉」及「肠仔配嫩滑炒蛋米粉」，够晒多选择，总有一款啱你口味😍。咁抵食我又点可以唔叹返个下午茶呢？加$5仲可以升级套餐，有埋温泉玉子及鲜嫩时菜🥬，真系大满足。所有餐都配埋饮品🥤，更可以加钱要特饮，今次就试咗鲜桔乳酸特饮，酸酸甜甜份外解渴。除咗主菜外，吉野家嘅小食亦系我嘅至爱，无论午餐或下午茶，都可以无限追加，追加价仲比之前更便宜，咁梗系要加多几款，个人最喜欢关东煮，充满日本风味。