Wheatfield X 羅宋湯專門店 (青衣城) (已結業)

疫情下，星期六日，通常都买外卖食，好多时都比较肥腻。今日行过青衣城，终于揾到有健康嘅外卖，仲要系主打罗宋汤，双眼即刻发光，因为我系一个罗宋汤控。叫了两个厨师推介套餐，就眼望落 都有d惊老公食唔饱，点知到最后，食到我地两个都棒住个肚 。香煎薄牛扒脆猪仔包包烘得好脆口， 不过一啲都唔干，好松软。 薄牛扒煎得好好， 好多时煎薄牛扒会好干， 但系依个仲好juicy， 酱汁惹味。跟餐嘅乌冬本来以为系汤乌冬， 点知一打开原来系捞乌冬， 我同老公都笑咗。 好少捞乌冬会用到稻田乌冬， 口感好滑， 味道方面，大家都见到啲颜色好唔使讲啦 最后轮到主打嘅罗宋汤， 第一个系牛腩罗宋汤第二个系猪髀罗宋汤， 相信同邓大家认识嘅罗宋汤好唔同，超多材料。 汤底都同一般罗宋汤好唔同， 用多咗好多香料，唔系一味得个酸字。 不过就比一般嘅罗宋汤辣咗少少， 完全唔食得辣嘅朋友要留意。跟汤嘅𩠌非常好味， 绝对唔系汤渣。 牛腩嫩滑一啲都唔硬， 好香牛味。猪髀肉同拉面嘅叉烧系一样， 我老公都话非常好食。 最开头仲担心唔够食， 原来汤里面都咁多𩠌， 结果我哋两个都食得好饱。 依家外卖性价比非常高，可以再食 😆😆。