影片
更多
2022-06-04
536 浏览
黄大仙本身都已经唔系好熟路，竹园邨更加系去都未去过。今日因为工作关系黎到呢个历史悠久的屋邨，完成之后同同事打算揾间茶记医下肚，旧式屋邨谂住茶记都比较旧式，但见到呢间茶餐厅门面光鲜，内里装修新净就决定入去试一试佢。睇一睇餐牌有好多选择，有点心、炒粉面饭、小菜，仲有特别推介嘅水煮鱼、酸菜鱼、鸡煲。 =招牌鸡煲配生菜+油炸鬼 $198=我哋二话不说就叫咗个招牌鸡煲。店员好快就将鸡煲送上来。你系完全唔会谂到屋邨茶餐厅竟然如此细心，餐厅只系将鸡煮到七成熟，店员提示我哋每2分钟煮一煮佢。由第4分钟开始闻到好香嘅鸡煲味，再煮多数次，再加入餐厅送上的油炸鬼，食得！整个鸡煲好足料，落咗超级多配料，辣度我觉得适中，就算唔太食得辣嘅朋友都可以接受到，整体就是超级地香！鸡嘅各个部位都有，鸡肉嫰滑又好入味，最正系加入咗油炸鬼，索尽食鸡煲酱嘅精华，最后加入埋生菜，正呀！ =蓝妹啤酒 $32=食鸡煲当然唔少得啤酒，绝配！一日嘅辛劳忘记晒！ =干炒猪扒出前一丁 $60=由于点餐嘅时候我哋硬系会觉得一个鸡煲唔够食，所以叫多咗一碟干炒猪扒公仔面。猪扒完全唔韧好易咬口，公仔面炒得好有镬气，但又唔会太咸系高质嘅炒公仔面。 整
=招牌鸡煲配生菜+油炸鬼 $198=
我哋二话不说就叫咗个招牌鸡煲。店员好快就将鸡煲送上来。你系完全唔会谂到屋邨茶餐厅竟然如此细心，餐厅只系将鸡煮到七成熟，店员提示我哋每2分钟煮一煮佢。由第4分钟开始闻到好香嘅鸡煲味，再煮多数次，再加入餐厅送上的油炸鬼，食得！整个鸡煲好足料，落咗超级多配料，辣度我觉得适中，就算唔太食得辣嘅朋友都可以接受到，整体就是超级地香！鸡嘅各个部位都有，鸡肉嫰滑又好入味，最正系加入咗油炸鬼，索尽食鸡煲酱嘅精华，最后加入埋生菜，正呀！
=蓝妹啤酒 $32=
食鸡煲当然唔少得啤酒，绝配！一日嘅辛劳忘记晒！
=干炒猪扒出前一丁 $60=
由于点餐嘅时候我哋硬系会觉得一个鸡煲唔够食，所以叫多咗一碟干炒猪扒公仔面。猪扒完全唔韧好易咬口，公仔面炒得好有镬气，但又唔会太咸系高质嘅炒公仔面。
整体感觉系颠覆了我对旧式屋邨茶记嘅睇法，原来真的有卧虎藏龙的高手在民间，如果我屋企楼下有呢个质素嘅茶餐厅就好了。吃过晚饭后行落去地铁站都只是大概十分钟，沿路都是天桥也算很方便哦，下次再黎黄大仙值得再上黎食！
张贴
