茶餐廳2.0 (已結業)

今日收工过左愉景新城买野，咁梗系食埋晚饭先返去啦。谂紧食咩之际，打开个App，见有间食店个名叫「茶餐厅2.0」。咁鬼马有趣，就一于试下先。去到门口，就见到有奶茶同鸡蛋仔卖，但无理由晚餐买个鸡蛋仔就算嫁，所以都入左去食。坐低之后，未开始打开本餐牌，就已经俾个石烧A4日本和牛片既外加餐牌吸引左。于是就叫左依个，升级埋野饮做雪糕红豆冰，再加多个素菜炸物拼盘。黎得最快既当我系饮品啦，红豆冰个云呢拿雪糕好香，红豆都好大粒好甜，唔错。石烧A4日本和牛片上枱果下好豪华，两层既和牛片好吸睛，好多人望住啰。和牛片烧完好香好嫩，唯一缺点系快石都冻得几快，要一次过烧哂先，唔可以慢慢咁食一块烧一块。素菜炸物拼盘有南瓜饼，咖哩角同春卷各二。南瓜饼唔错，咖哩角同春卷就普普通通喇。