圓老爺雞煲小廚 (已結業)

入元朗食好西元朗出名多美食，你想食咩都有，难得今日入到元朗梗系要试吓啲地道小菜。我地拣左圆老爷鸡煲小厨，两个人乜都想试下，所以无食鸡煲。千祈唔好以为我地会求其叫，要食梗系食招牌菜。见到餐牌上面个煲仔菜流晒口水「八星报喜 」果然唔简单，有齐鲍鱼片，花胶，海参，鹅掌。。。份量对得住个价钱！之后我地仲叫左个夫妻肺片，青瓜好入味，牛肚辣得黎好弹牙，做前菜真好好开胃。孜然猪串骨，啖啖肉，而且好入味。相比之下，个金银蛋苋菜就比较普通，但系都好好味。小菜咁正，一于下次再黎试下鸡煲同水煮鱼先。