鉄人大盛 (已結業)

平时食放题食得多，但以鉄板烧做主打既都系第一次！食完觉得几唔错！值得encore！饮品唔算超多，但要有既都有。雪糕有Haagen Dazs，任食！见到有香蕉味，几好食，好香香蕉味！眼见全场成十个铁板烧师傅，每人负责唔同既食物。全部新鲜煎起，热辣辣，又香口！呢个系新鲜煎起既牛柳粒同肥牛卷。牛柳外边煎焦焦地，好香，唔系全熟，食落好稔，好有牛味！蒜片牛柳尤其香口，加上甜甜地既酱汁，好好食！煎鹅肝，又一必食选项！鹅肝煎到超级香，外脆内软，好creamy ！超多人叫既扇贝。够大只，好好肉，弹牙、爽口！右下角既系黑松露鱼柳。个黑松露酱好香！好食，加上份量够多，可以点埋其他野食！正！我地都食左好多寿司细细件，料又多！酸酸地既寿司饭令人好开胃！右下角只赤虾好大只，无腥味，好清甜爽口！海胆好新鲜，好甜！焗蚝好香蒜蓉味！正！寿喜烧每次放题必食既！个锅甜甜地，肥牛好足，好食！台湾肠同海胆丸煎到好香，焦焦地！小食必叫之款！呢间食物种类好多，食物上得快，同新鲜做起！加上好多师傅即时整，几特别！推荐大家黎！