Jinjuu (已結業)

又系gathering 嘅时候！几个前同事见下面吹下水，梗系要揾啲好食嘢啦！有人提议食韩国炸鸡，平时食开𠮶啲又好似太闷，就试下呢一间fusion 韩菜！之前睇过啲资料，知呢到系美籍韩裔女主厨JudyJoo开嘅，而佢嘅韩式食物对比平时食开嘅多咗唔少西式风格，咁就梗系要试下啦！主角系鸡，当要讲鸡先！呢到嘅炸鸡其实只有一款，唔好谂咩葱味好定系甜酸味好喇！不过就系呢样嘢好，日本啲老店百九几年都系卖3、4款食物，原因系专心专注，水准自然就出色！而且系原只炸，唔系鸡件，卖嘅方式有2种，就系成只嚟同埋细细碟喇。成只上的话六百几七百蚊一只，细碟就百三蚊，不过既然为鸡而来，当然就要大啦！分开6件上，我哋6个一人一年刚刚好！佢会放上2个樽仔嘅酱汁，一个系甜酸酱汁，另一个系鼓油味道，一次过可以食3个味！(计埋原味嘛) 我会用清爽嚟形容呢个炸鸡，因为佢系无咩油腻感，个皮炸到好脆但系唔肥，更加惊喜系啲鸡肉非常嫩滑，一啲都无煮耐咗先有嘅「鞋口」感觉。个人认为佢拣鸡都应该有一定嘅规矩，因为啲皮真系好薄！好味！至于个汁，建议大家唔好冲凉咁点汁食，因为佢个鸡本身都好惹味！无谓揾太多酱汁搞寸个party啦？不过点少少又真