有囍 (已結業)

今晚我们喺旺角探完亲友之后，谂著睇吓周围附近有边间食店好食？行到去花园街其中一段属于系食街嘅有众多间食店，喺我们拣紧想食边间嘅时候，就见到呢间叫「有囍」嘅吸引咗我们，因意头非常好，兼且仲有几多人排队等位，所以我们就决定入去食晚饭！喺我们谂紧叫咩食嘅时候，一个感觉好似系老板娘嘅靓姨用超级亲切友善嘅语气咁问：「你们叫咗嘢食未呀？」除此之外，呢个靓姨仲比其他任何一个员工都落力咁去招呼在座每台人客，令到人客都有种宾至如归嘅感觉！至于店内嘅环境装修好光猛，坐位与坐位之间亦好舒适宽敞！我们叫咗肉骨茶系足料肴制，所以汤底嘅味道相当甘甜浓郁，而且喺咁寒冷嘅天气嚟饮，真系觉得特别「暖笠笠」同好补身！星加坡海南鸡「半只」嘅肉质非常松软嫩滑，就算系鸡胸嘅肉质亦完全唔会有「嚡」嘅感觉，鸡皮亦相当爽滑，真系好正呀！蒜蓉炒椰菜苗系差唔多每一台人客都有叫㗎，因唔系有好多餐厅可以食到，而且炒得镬气十足，当时好彩我们早一步落单，因咁啱我们呢份就系最后一份，真系好抢手呀！黑蒜青柠烧猪肋排嘅肉质非常爽滑松化，因加咗啲黑蒜，所以味道相当惹味，另外再加埋秘制嘅青柠辣椒汁一齐食，酸酸甜甜，感觉好醒胃同好清新，完全唔会有腻嘅感觉，