翡翠拉麵小籠包

营业中

休息中

放假期间，同小朋友嚟马鞍山嘅翡翠拉面小笼包食午饭。因为小朋友想食小笼包，所以拣咗呢一间餐厅，我哋仲点咗酸辣汤面，排骨拉面，同埋菜肉拉面。小笼包味道一般，汤汁唔算多，但系总算热。酸辣汤拉面太酸，唔够辣。排骨拉面啲排骨比较干身。我觉得最唔抵嘅系佢茶钱收$12，小朋友饮水都收，同埋佢一定有个餐前小食就系一啲花生，收$15。茶钱同埋餐前小食都系再收+1嘅，即系坐低已经唔见咗$70。所以我觉得有啲唔抵，另外一啲上海餐厅都可能会收茶钱，但系冇咁贵，同埋唔一定有餐前小食。所以如果食物味道一般嘅话，下次想食上海嘢都未必会选择。