影片
更多
2019-09-12
1236 浏览
今日系我第二次中午时段帮衬, 约12:30到达已经坐满了三分二人. 一入门口有个白衫短发中年女人叫我买飞 (上次唔觉有哩个人), 当我买飞时有个男人排在后面, 中年女人未待佢买飞就问佢要点咩𩠌然后好快帮佢, 反而我到先买完飞要排在男人后面等点𩠌, 我唔赶时间所以冇出声, 不过我觉得餐厅规矩系需要先买飞、后点𩠌, 咁就应该一视同仁！拿取食物后, 我就去一张四人枱的靠墙身位置放低食物, 然后返去售票处取汤 (呢间餐厅系咁㗎, 食物还食物一边排队、汤还汤要去售票处攞!) 当我攞汤嘅时候, 已经见到中年女人对住卖飞𠮶男仔喝骂, 话佢做野慢, 说话语气非常重, 叫佢快啲一次过"装定"十碗八碗汤放喺前台bla bla bla...... (唔该佢啦, 售票处得一个男仔, 收钱又系佢、装汤又系佢、冲咖啡又系佢, 一个人一对手仲要中午繁忙时段, 一啲都唔体恤！) 你有本事咪叫餐厅请多个人帮手啰, 而唔系对住个男仔系咁闹！好啦, 当我攞完汤返埋位已经见到中年女人响我张枱喝骂隔离枱嘅食客, 叫佢哋坐埋一边. 其实当时我张四人枱系冇人坐, 而隔离𠮶张四人枱系坐咗四个男人, 其中一个男人将私人物品放咗响
拿取食物后, 我就去一张四人枱的靠墙身位置放低食物, 然后返去售票处取汤 (呢间餐厅系咁㗎, 食物还食物一边排队、汤还汤要去售票处攞!) 当我攞汤嘅时候, 已经见到中年女人对住卖飞𠮶男仔喝骂, 话佢做野慢, 说话语气非常重, 叫佢快啲一次过"装定"十碗八碗汤放喺前台bla bla bla...... (唔该佢啦, 售票处得一个男仔, 收钱又系佢、装汤又系佢、冲咖啡又系佢, 一个人一对手仲要中午繁忙时段, 一啲都唔体恤！) 你有本事咪叫餐厅请多个人帮手啰, 而唔系对住个男仔系咁闹！
好啦, 当我攞完汤返埋位已经见到中年女人响我张枱喝骂隔离枱嘅食客, 叫佢哋坐埋一边. 其实当时我张四人枱系冇人坐, 而隔离𠮶张四人枱系坐咗四个男人, 其中一个男人将私人物品放咗响我张枱嘅空凳上面, 中年女人用广东话叫佢哋拎开啲物品之后, 其实𠮶几个男人已经快速地移开物品, 但个女人仲要用英文重复一次 (真心唔明人哋已经有行动, 点解仲要讲英文？系想突显佢英文好叻？佢真系闹人闹上脑㗎！) 呢个时候我真系睇唔过眼, 我叫个女人收声, 我话: 「你伙记又闹、食客又闹, 你想点呀？ 」跟住佢同我对骂, 仲大大声同我讲佢系呢度嘅义工, 跟住仲想抢走我枱上嘅食物, 真系离晒大谱！ 我话知佢系呢度嘅老板、经理、定系佢口中所讲嘅义工, 佢咁嘅态度就系赶客！劝吁大家如果你想贴钱买难受你就去啦！
张贴