太平洋咖啡 (如心廣場一期)

营业中

休息中

平日基本上冇机会去荃湾，今晚等睇Diana Krall演唱会，咁就早啲去，坐低饮杯咖啡睇吓书。新装修嘅Pacific Coffee变晒灵堂风，本人都系钟意以前红色底加黄灯嘅装修……不过呢间分店嘅优点系，好多座位，但系另一个缺点就系，座位上面嘅咕𠱸都非常之污糟……本人转咗两次位，两个位都非常之冻，应该系同个商场有关。女士就可能要带多件外套先会坐得耐。本人嗌咗Flat white，以为Default系会比瓦杯，点知系纸杯，可能唔够人手洗杯挂。杯咖啡冇乜特别，普普通通，当然就唔会有拉花。去到七点嘅时候，职员同本人讲，个区域要关闭啦……好彩我就已经坐咗一个钟，啱啱坐低又唔知嘅话，应该都会好无奈。