古早牛肉麵 (已結業)

深水埗嘅食物选择真系好丰富，中西日韩台，咩都有得食。同朋友经过依间牛肉面，7点已经开始排队，我哋当然唔执输，排埋一份啦！我哋好快就有位喇。坐底就望吓张落单纸，除咗汤面之外，仲有好多小食可以拣，仲有鲁肉饭添！我就拣咗个三牛荟汤面喇。食物都好快上枱，汤面个汤好香浓。三牛荟包括牛腱，牛筋同牛肚，萝卜仲好大块添呀！先试一试个汤底，好浓嘅牛肉香，但系又唔会太咸。再试吓个面，口感烟韧，绝对无煮到过龙，几好。到三牛荟喇，三样都卤得好入味，牛腱好冧，唔会有渣，好食呀！牛筋同牛肚都好正，入晒味，正！唔好睇个萝卜平平无奇呀，都好甜架。