堅離地 7 PO (已結業)

午市时段黎，得我地一台，装修好有特色，啲灯好靓，好似去左土耳其定印度咁。台面既餐垫设计都好特别。午市有套餐拣，包埋餐饮，不过餐饮多数系港式饮品。乳酪鸡肉咖喱，非常入味，好香既咖喱味，啲料好多，将个饭转左做饼，分两边，同朋友一人一边，包住食，食唔停，咖喱够浓稠，正。牛肉夹饼，有三件，抵食，芝士加埋牛肉，真系一绝，佢啲料都好大方，好满足，好惹味，而且食完唔口渴，虽然佢略嫌有少少干左啲，但我加埋剩底既咖喱一齐，系另一种享受，更加浓味。埋单人均 $80，相当抵食。