麵屋丸京

营业中

休息中

呢间拉面店想试好耐，因为佢个真•叉烧拉面个图吸引到，于是上星期拉左个朋友黎深水埗分店食。一嚟到门口见到要排队，就知道呢间嘢一啲都唔简单，等就唔系好耐，大约15分钟就安排到入去坐。然后就同朋友叫左两碗真•叉烧拉面🍜，朋友𠮶碗走葱同加面（+$15）（远啲𠮶碗），而我就再加咗3块普通叉烧（+$15）（近𠮶碗），想试下同真•叉烧有咩分别。点知真系冇令我失望，两款叉烧味道系冇咩分别，纯粹大块同细块嘅分别（我认为），叉烧偏瘦但唔鞋口同冇渣，唔错；个面几烟韧弹口，软硬适中；汤底几浓郁唔太稀，加上个汤底有层油脂，令个汤底几滑；至于面上嘅配菜，例如荀同溏心蛋就正正常常🥲。唔知点解每次食拉面嘅溏心蛋用筷子开半总系有种治愈🤤然后同朋友食个七味炸鸡就有点失色🥲🥲🍗，炸粉偏厚，七味粉唔多唔太够味，要点沙律酱先抵触到。下次再有机会食的话，转食佢个香葱沙律炸鸡，可能会畀呢个好食啲😗。总括成餐饭再加一人一罐可乐，$308理单，不过不失，价钱正常合理，叉烧拉面卖相有特色，可以再返食。