影片
更多
2020-12-07
1256 浏览
今次因为用信用卡8折嘅关系，亦都一早听闻过呢间餐厅，所以就预早两星期book枱。今次两个人去食，入到去到朗廷酒店确实系有啲难揾，最后要问酒店职员先知道入口有个玻璃门落地库。因为疫情关系，职员都好贴心要我地填一填健康申报表，之后就带我地埋座位。其实一落到去嘅感觉成个餐厅系比较暗，但去到张枱嘅时候，因为有枝蜡烛嘅关系，所以又无预期中咁暗，唔会系个啲暗到你连食紧咩嘢都未必睇到个种😂去到选餐环节，menu其实都好简单，亦唔取巧，但就系愈简单嘅烹调先愈特显食材嘅鲜味，但简单烹调亦唔代表唔考厨师嘅功价。首先我地点咗6只生蚝，餐牌就冇写住产地系边到，我见职员都忙到踢晒脚所以都无开口问，啲生蚝真系食得出佢个种鲜与甜🦪连我系好怕食生蚝嘅人都食咗三只，唯独是有一样要挑剔嘅地方就系佢6只入面，有3只系大，另外3只就细，讲紧系细到手掌心嘅Size，呢一点我唔知系佢每个set都系3大3细定系撞手神咁啱俾咗3只细嘅俾我。😂然之后我地就嗌咗US PRIME RIBEYE 350g 5成熟，真系靓嘅食材唔需要特别嘅烹调方式，就已经食得出最好嘅效果。上枱见块扒无标血水，所以攞碟摆得好靓，牛扒肉感松软，牛肉嘅油脂分布平均
今次两个人去食，入到去到朗廷酒店确实系有啲难揾，最后要问酒店职员先知道入口有个玻璃门落地库。因为疫情关系，职员都好贴心要我地填一填健康申报表，之后就带我地埋座位。其实一落到去嘅感觉成个餐厅系比较暗，但去到张枱嘅时候，因为有枝蜡烛嘅关系，所以又无预期中咁暗，唔会系个啲暗到你连食紧咩嘢都未必睇到个种😂
去到选餐环节，menu其实都好简单，亦唔取巧，但就系愈简单嘅烹调先愈特显食材嘅鲜味，但简单烹调亦唔代表唔考厨师嘅功价。
首先我地点咗6只生蚝，餐牌就冇写住产地系边到，我见职员都忙到踢晒脚所以都无开口问，啲生蚝真系食得出佢个种鲜与甜🦪连我系好怕食生蚝嘅人都食咗三只，唯独是有一样要挑剔嘅地方就系佢6只入面，有3只系大，另外3只就细，讲紧系细到手掌心嘅Size，呢一点我唔知系佢每个set都系3大3细定系撞手神咁啱俾咗3只细嘅俾我。😂
然之后我地就嗌咗US PRIME RIBEYE 350g 5成熟，真系靓嘅食材唔需要特别嘅烹调方式，就已经食得出最好嘅效果。上枱见块扒无标血水，所以攞碟摆得好靓，牛扒肉感松软，牛肉嘅油脂分布平均，香而不腻，口感真心一绝。如果佢上枱系用木盘而唔系用碟我觉得会更加好，因为我唔系咁钟意用刀切到碟个种感觉😂
最后见个肚仲有少少位，所以就嗌咗个波士顿龙虾🦞，自助餐龙虾食得多，多数都系冷盘俾你去食，肉质好多都系「鞋」同雪到得个冻字。所以今次Bostonian用香烤嘅方式，下面再用啲热石去令到佢保持温度，我觉得系非常之好。龙虾餐牌话有半斤重，所以两个人食都好够，龙虾烹调得非常出色，龙虾肉系爽弹鲜，亦唔会因为烤嘅过程就流失入面嘅水份，真系食得非常滋味。
最后埋单8折咗就1350蚊左右，最后感想我觉得系3样菜式都非常用心制作，而食材亦新鲜，所以出黎嘅效果真系无与伦比。服务方面我嫌佢唔系太多嘅职员，有时间举手都未必有职员可以即刻黎到service 我地，但亦见到啲职员好用心，上菜速度亦都合适，环境亦舒适，价钱合理，所以我觉得非常值得推荐俾各位
面包
64 浏览
0 赞好
0 留言
生蚝
$330
55 浏览
0 赞好
0 留言
US PRIME RIBEYE
$588
50 浏览
0 赞好
0 留言
US PRIME RIBEYE
42 浏览
0 赞好
0 留言
Boston Lobster
$488
47 浏览
0 赞好
0 留言
张贴
