影片
更多
2018-02-17
155 浏览
我地2个人叫左任叫任食蒸气石锅海鲜餐, 每位盛惠$388, 另加茶芥每位$20, 酸菜每碟$28, 再加一, 2人总共食左$928, 食2小时, 食咁贵, 换黎只有失望。失望原因有四:一. 食物唔新鲜佢啲海鲜真系好唔新鲜, 攞出黎俾你食嘅, 都系雪藏, 贝壳类食品, 包括: 鲍鱼、马刀贝, 仲要有阵臭味, 系好唔新鲜嘅臭味。问个侍应, 佢话因为有青口, 青口系咁嘅味......大家判断下会唔会系因为青口, 所以成堆贝壳类食品会臭.......二. 唔抵食每位$388嘅任食任叫, 但海鲜并唔系任食架, 只可以拣4款, 仲要每人每款只有一只, 即系: 叫美国桶蚝...只有一只、叫海虾...只有一只、叫龙趸件好啲...有2件。我就觉得真系唔抵食!! 如果佢系新鲜都算啦, 弊在佢唔新鲜得黎, 个量仲少到不得了。其他食物, 如: 牛肉、菜、丸, 系任叫任食, 但都有得你食先得(原因睇下面)。三. 上菜速度极慢计埋我第一次落单, 成餐饭我只系落过3次单(如果食普通放题一定唔止)。叫下牛肉、菜、丸咁, 每次落完单都要等半个钟先黎, 系半个钟!! 仲要每次限死你几多人, 就叫几多份, 叫多都唔俾你。结
失望原因有四:
一. 食物唔新鲜
佢啲海鲜真系好唔新鲜, 攞出黎俾你食嘅, 都系雪藏, 贝壳类食品, 包括: 鲍鱼、马刀贝, 仲要有阵臭味, 系好唔新鲜嘅臭味。问个侍应, 佢话因为有青口, 青口系咁嘅味......大家判断下会唔会系因为青口, 所以成堆贝壳类食品会臭.......
二. 唔抵食
每位$388嘅任食任叫, 但海鲜并唔系任食架, 只可以拣4款, 仲要每人每款只有一只, 即系: 叫美国桶蚝...只有一只、叫海虾...只有一只、叫龙趸件好啲...有2件。我就觉得真系唔抵食!! 如果佢系新鲜都算啦, 弊在佢唔新鲜得黎, 个量仲少到不得了。其他食物, 如: 牛肉、菜、丸, 系任叫任食, 但都有得你食先得(原因睇下面)。
三. 上菜速度极慢
计埋我第一次落单, 成餐饭我只系落过3次单(如果食普通放题一定唔止)。叫下牛肉、菜、丸咁, 每次落完单都要等半个钟先黎, 系半个钟!! 仲要每次限死你几多人, 就叫几多份, 叫多都唔俾你。结果, 成餐饭就系等.......
四. 漏单之余, 仲推卸话系厨房执漏, 唔关佢地事
任食中系包几款点心, 如: 马拉糕、姜汁糕、荷叶糯米饭等。三次落单, 三次我地都有落点心, 但佢点心最后一样都冇黎过。第一次漏单个时, 我地追单, 佢话厨房执漏, 叫我地再点过, OK, 咁再点。
第二次其他野食都黎, 系无点心, 咁我问:「系咪冇点心呢?」侍应话有, 厨房执漏。咁我话, 不如你帮我地追下, 佢就话:「我有入单, 厨房执漏, 你再点多次啦。」OK, 咁再点过。
到最后其他野黎时, 见到佢架车有点心, 但佢竟然话笼点心唔系我地, 系43号枱。我同侍应讲, 我地叫左3次, 3次都冇, 个笼点心可唔可以俾左我地先, 佢唔肯, 话系第二张枱架, 连单都唔帮我地追!!! 真心嬲......到最后都系冇点心黎过。最嬲系我临走时去厕所, 行过其他枱, 人地系有点心架!!! 大大笼马拉糕、姜汁糕!!!
好真心奉劝大家, 要食蒸气火锅, 真系唔好去呢度食, 食唔饱之余, 仲换黎一肚气, 食物、服务态度都真系差到不得了。讲真, 2个人食$928, 出面大把选择。大家眼睛雪亮, 上面好评打手所讲嘅, 可以衡量下真伪。我食完真系唔觉有佢地讲咁好。
张贴
