Bilibala Yakitori Bar

营业中

休息中

比较少食日本串烧，今次试下呢间系希云街唔起眼既低调小店。餐厅唔大，灯光有啲昏暗， 都几有情调。 喺吧枱嘅小窗口，隐约见到厨师喺度准备串烧。 餐牌当然系串烧主打，种类繁多应有尽有。酱料有梅子，味噌，柚子口味。牛舌，有少少海盐喺上面，有牛味，肉质都几嫩，加柚子酱几好味。 烧豆腐外脆内软，miso flavour，有水准。烧白鳝， 配上梅子酱真系好好味！ 推介。味噌烧蟹盖，会上青瓜口感特别，蟹味鲜甜。芝士烧年糕，好似棉花糖。食咗几样咸嘅食物食番啲少少甜味嘅感觉真系唔错。 烧海老， 成只手掌咁长，有海盐配上柠檬同埋甜豉油，啖啖肉， 烧得啱啱好，肉质弹牙 好好味，非常推介。黑毛和牛， 非常juicy! 几乎即溶喺口。烧海胆冬菇虾胶，口感特别，三重味道加上甜豉油。黑糖烧菠萝， 菠萝好甜，happy ending。总括串烧食物非常有水准，食材新鲜， 叫咗两杯柚子酒同串烧真系好夹。虽然店舖比较细，但系好有情调。如果钟意食串烧嘅朋友，值得一试，绝对推介。