渝味曉宇重慶老火鍋 (太子集團中心) (已結業)

渝味晓宇系一间由国内开过黎嘅连锁重庆火锅店，香港人钟意打边炉，喺香港主打重庆火锅嘅食店唔算少，不过好多时哩类重庆火锅店都为左迎合香港人口味保留返少量香港人成日食嘅火锅料，所以当我睇倒渝味晓宇个menu竟然冇香港人必点嘅炸鱼皮、炸响铃同出前一丁都感到有啲意外，不过咁样唔代表食店火锅料选择少，反而系佢地嘅食材真系似返地道嘅重庆火锅，虽然对香港人黎讲可能会有啲唔惯，不过个人觉得系个唔错嘅体验。渝味晓宇店面几大，我最钟意佢𠮶排窗口位。因为见佢午市锅底免费，加上食到饱都仲有大把时间消化，所以就拣左假日黎个打边炉做午餐。一座低仲睇紧点咩食，侍应先黎每人一碗糖水(免费)暖下胃，可以边食边慢慢睇。番茄配大骨滋补锅哩度嘅汤底选择虽然唔算多，不过最正系汤底系断位计，每位$38，就算人少都唔怕要share个贵汤底。因为朋友唔系好接受倒麻辣，所以我地就拣左唔辣嘅番茄汤同大骨滋补汤。番茄汤底入面有番茄同金菇，番茄酸味好出，好好味。大骨滋补锅入面有粟米、红枣同猪骨，味道较似味精汤，冇番茄汤咁好饮。茶芥$20/位，留意哩度嘅酱料唔多，只有豉油、醋、蒜蓉、葱花同麻油，系冇辣椒嘅，如果真系想食辣嘅，就一定要点麻辣汤底。