影片
更多
2024-11-10
2372 浏览
大家都明白一个道理，期望过高会容易引致失望。开得店响中环，老兰下面，镛记烧鹅斜对面，仲要系日本有名大厨主理，我谂期望高都好正常姐。然而，基于人嘅思想习惯，低价嘅拉面，例如 88 蚊碗，佢做到70/100分，你可能都会觉得 ok。但如果 158 蚊碗，佢做到 85/100 分， 你都可能会觉得不OK！呢间店我已经系二刷，第一次来无论系鸡白汤拉面定酱油拉面，我都系觉得不太满意，但因为全港较有名嘅拉面店我都探过晒，所以想返兜一d之前睇落想试又未去试嘅拉面，呢碗鸡酱油拉面就系其中一碗。以下系食评。《鸡🐓酱油拉面🍜》名店就系名店，令些多花神。呢碗面一上桌，第一样吸引到我嘅唔系碗面，而系用来垫只匙羹嘅羹垫，系鸡造型，几有趣㖞，印象分有加，但冇影响我对碗面嘅评价。香味 (4/5) - 香味充足丰富，第一种味道唔系酱油，而系柚子，因为佢笃柚子蓉就放响探头落去最近鼻嘅位置，所以柚子味先来，然后先系酱油味。放柚子嘅位置可能系一种设计，亦可能系咁啱，但如果系呢种高档店来讲，姑且当佢系特登嘅先啦。汤 (3/5) - 如题，个汤非常咁多种唔同味道于一身。首先系鲜明嘅贝类味道，类似金色不如归种贝汤咁。再来嘅味道就
大家都明白一个道理，期望过高会容易引致失望。开得店响中环，老兰下面，镛记烧鹅斜对面，仲要系日本有名大厨主理，我谂期望高都好正常姐。然而，基于人嘅思想习惯，低价嘅拉面，例如 88 蚊碗，佢做到70/100分，你可能都会觉得 ok。但如果 158 蚊碗，佢做到 85/100 分， 你都可能会觉得不OK！呢间店我已经系二刷，第一次来无论系鸡白汤拉面定酱油拉面，我都系觉得不太满意，但因为全港较有名嘅拉面店我都探过晒，所以想返兜一d之前睇落想试又未去试嘅拉面，呢碗鸡酱油拉面就系其中一碗。以下系食评。
《鸡🐓酱油拉面🍜》
鸡🐓酱油拉面🍜
$158
0 浏览
0 赞好
0 留言
香味 (4/5) - 香味充足丰富，第一种味道唔系酱油，而系柚子，因为佢笃柚子蓉就放响探头落去最近鼻嘅位置，所以柚子味先来，然后先系酱油味。放柚子嘅位置可能系一种设计，亦可能系咁啱，但如果系呢种高档店来讲，姑且当佢系特登嘅先啦。
汤 (3/5) - 如题，个汤非常咁多种唔同味道于一身。首先系鲜明嘅贝类味道，类似金色不如归种贝汤咁。再来嘅味道就系鲣鱼味，应该系来自鲣鱼汁，阵味都几现成。再来就系柚子，味醂，同酱油本身个味。我并唔太钟意呢个汤，唔系话唔好味，咁多美味嘅元素凑埋，又点会唔好味，但令到成个汤变左"攞你命三千"，硬凑各款元素于一身，冇左个味道嘅轴心，所以我真心麻麻地。
而，食到尾段时，最令我觉得有障碍感嘅唔系个汤太多味道，而系偏甜。个汤偏甜呢个问题，上次食酱油汤拉面时我已经发觉，可能主厨认为够甜，够多味道，个汤嘅立体感先叫强呱。面条 (4/5) - 太面，小卷，偏黄，低加水。我记得上次来食，都系呢款面，但上次唔知道咩原因，个面煮得过硬，令我食到胃顶顶，今次来又冇呢个问题，个面嘅软硬度系刚好。面条未身个小麦味算中等，食落都好食嘅，口感少烟韧。
配料 (3/5) - 鸡叉烧方面，有两款。第一款系鸡脾肉。你睇睇下面幅图，大概都知，点会唔好食吖。鸡脾肉本身系嫩，调味正常，鸡皮表面有烧过，所以香味，味道，口感都系好好。
再来系块鸡胸。口感嫩滑，不过鸡味一般，淡淡地。
猪叉烧部份，明显地系猪五花，薄切，黑椒调味鲜明，我认为算好食，但问题系佢可能切得太薄定点，一夹就散，好难可以完整地放入口，所以散收收咁食口感真系麻麻。
荀方面，果然系名店，选料有交代，用左穗先荀。穗先荀本身特别长，口感特别好，另外穗先荀本身系比较清甜。不过呢道嘅荀有个问题，佢荀味系够，甚至乎去到有d荀臭味嘅程度，呢个未必人人啱。
溏心蛋方面，唔知系个厨失手定点，个蛋嘅质地，有d似擦胶咁硬。我睇过一本讲拉面历史嘅书，当中提到，早期嘅拉面，入面嘅蛋都系全熟同卤过，有d似台湾嘅铁蛋咁，都系硬身。后来一路发展先越来越流行食口感软滑嘅溏心蛋。咁，到底老板系因为想立体到呈现返古早味，定纯粹个厨今日失手呢？无论点，我都觉得个溏心蛋系败笔。
唔差在，贴埋白葱张相，正正常常。
整体 - 不推介。主厨可能想贯彻始终，无论个汤，同d配料，所有野都系偏甜。我本身对甜食系一般，佢甜嘅程度有d踩到我接受程度嘅底线。成碗面，心机系够，但风味同味道我都麻麻地。
张贴
