京.花朝 (已結業)

一入到去位都无人带，自己坐低。等咗大概5分钟先有人行埋黎。食物份量少得可怜，味道不行，北京水饺个皮上枱系烂哂！重点在于记住要问佢攞特价午餐牌。我哋食到埋单时先见到隔离𠮶台有特价套餐先$68set! 问返经理点解唔俾呢个牌我地，佢嘅回覆系要问先有！食个午餐叫咗北京水饺，鸡丝粉皮，北京酱猪肉，雪菜肉丝炒年糕, 两个人埋单$3xx ，理应好够食，但系食唔饱，因为所有嘢都一小碟，个猪肉就一半系肥猪肉唔食得，个年糕就好似人哋食剩左咁！都唔知食咗啲乜嘢落肚。