無敵家 (已結業)

之前winter时间去过日本，系池袋食过无敌家拉面，一试番唔到转头，之后系香港见到有「无敌家」拉面店，就带著好期待既心情去试下啦。事前都有系openrice到睇下食评，而好多都话同日本个间唔同，但我谂唔系一模一样，都有一半似挂。点知，一试就中哂伏。呢个系佢地个拉面餐牌啦，一个字，贵。或者咁讲，系唔值呢个价。好，到重头戏，拉面啦。上菜时，哗，心谂好「大」碗㖞，一定食唔饱。份量讲完，到个汤底啦，食拉面最重要系面同汤底。汤底淡而无味，无猪骨味，得味精，失败。唔理佢似唔似日本个间，睇个汤底就知佢无诚意做呢碗拉面。到面底，一定系现成牌子既面，一d 味都无，又挂唔到d 汤，汤已经无乜味架啦。友人仲话佢好似759入面一种即食拉面。都似架啦其实。到叉烧，份量黎讲得两块实唔够食，之后味道有酱汁搭救都叫有d 味。总结黎讲，呢间系一间无心做拉面，沽名钓誉，偷名既店铺。平时我都好松手，但呢次真系忍唔到，一定唔可能助长拉面界既歪风。