龍鳳冰室 (已結業)

唉，名人餐厅真系不可信之前睇杂志见到米佐治开咗间冰室，啱啱搬嚟呢头又试下你。中午十二点去得四五个客。同老公两个人点咗个咖哩牛腩，一个特餐。先唔讲卖相，味道方面个咖哩唔太差。但饭上面加咗啲炸蒜片，因为唔新鲜嘅关系，食落好硬。但食到尾发现个咖哩有毛。常餐仲差，个菠萝包好明显唔新鲜，连个炒蛋都系冻嘅。个意粉汤加啲粟米入去就以为好特别，冇味冇到。杯奶茶冇茶味，差。啲餐具洗唔干净，差。个落单阿姐态度差。基本上冇嘢好。唯一可取嘅系杯绿豆冰，用咗幸仁碎嘅雪糕，呢个我几欣赏。佐治兄如果有心去搅嘅，麻烦你先解决卫生同卖相先。可要知道你收嘅价钱比一般茶记贵五成以上。