泰肥牛海鮮火鍋菜館 (已結業)

之前听朋友讲过系佐敦有间泰国野环境ok 食物又好味, 今日放左工决定约埋同事一齐去试下。依间泰国餐厅离地铁站唔远, 唔需要5分钟就行到。我地两个人叫左一个麻辣青瓜、生虾刺身、红咖哩烧鸭、bbq鸡肝,鸭胸,墨鱼丸 仲有招牌bbq小法包。先讲个麻辣青瓜, 本身我唔系好食得辣, 所以食左1,2 旧已经食唔到, 但系佢酸酸辣辣既味道真系好开胃。之后既生虾就真系好食到不得了, 一食落去就知新鲜, 而且爽口, 最特别就系依间餐厅会炸左个虾头, 食过真系番寻味。本人系生虾既fans, 每次食亲泰国野都一定要嗌, 今次依间真系食过咁多间最新鲜!!之后黎到个招牌bbq小法包, 佢睇落好似冇乜特别, 但系热喇喇食落去真系好香口, 个皮脆包软熟, 仲可以点埋咖哩汁黎食!! 绝对系必食至于个红咖哩烧鸭, 佢个咖哩甜甜地唔辣, 好岩女仔食, 最特别系摆左一样生果落去, 荔枝!! 当荔枝煮熟左再放系d咖哩入面, 感觉系会好清凉同埋好甜。完全冇谂过食咖哩系可以配荔枝! 另外 值得推介既系一只饮品- 分解茶, 食完咁多野之后饮真系冇咁油腻, 绝对值得一试!!!!